HINDI ko maalala kung paano ako nakabalik nang matiwasay sa table ko. Ang tanging naiwan sa isip ko ay ang luhaang mukha ni Ella habang hinahabol ako ng tingin dahil nauna akong umalis sa lounging area.
I took a deep breath. Parang biglang nanlamig ang aking sikmura. Hindi matanggap ng sistema ko ang mga narinig ko mula kay Ella.
Gusto kong umiyak pero, tuyong-tuyo naman ang mga mata ko. I am completely shocked. Sa dami ng pwede kong malaman sa pagbaba ko kanina ay ang tungkol pa sa fiancee ni Jeff at sa magiging anak nila.
“Annie, are you okay?” tanong na umuntag sa aking pag-iisip.
Napatuwid ako ng upo sabay tingin kay Sir Nataniel. Nakatayo siya sa gilid ng desk ko at nakataas ang mga kilay niya sa akin.
“I-I’m sorry, Sir. Uhm… medyo sumama lang ang pakiramdam ko,” pagdadahilan
