ONE month later…
“IBIG sabihin, matagal nang alam ni John na ampon siya?” matamang tanong ko kay Papa.
Nakita ko ang marahan niyang pagtango. Nakaupo siya sa wheelchair niya dahil hirap pang maglakad pero, sumama siya sa akin sa pagbisita ko sa mausoleum kung saan naroon ang libingan ni John kasama ng kay Mama at sa mga magulang ni Papa.
Nagusot ang noo ko. “Bakit hindi ko alam? Kailan pa n'yo ba sinabi kay John?”
“He was fourteen when he accidentally found out the truth. Kinumpirma niya iyon sa amin ng Mama mo, and your mother decided to tell him. Alam kong nasaktan siya nang malaman iyon pero, pinili na lang niyang itago ang nararamdaman. Hindi siya nagrebelde sa amin ng Mama mo. He continued to be a good son. Ang tanging naging pakiusap lang noon sa akin ng kapatid mo ay huwa
