Nagpasya akong lumuwas ng Maynila para tuparin naman ang pangakong binitawan ko kay Tito Arnold. Pinaimbestigahan ko si Savianna kung saan siya nakatira at saan din siya nag-aaral. Pagkarating ko ng Maynila ay nagtungo muna ako sa aking condo unit at pagkatapos ay pupuntahan ko naman si Savianna sa pinapasukan niyang eskwelahan.
Nasa labas na ako ng kaniyang paaralan at hinihintay ko naman siyang lumabas, nakasandal ako sa pintuan ng aking kotse at nakahalukipkip nang mapansin ko na may isang babaeng lumabas ng gate kasama ang isa niyang kaibigan.
Napaayos akong bigla sa aking pagkakatayo at mataman siyang pinagmamasdan sa ‘di kalayuan. Mas maganda siya sa personal, at ang mga ngiti niya ay tila ba matutunaw ka kapag ikaw na ang nginitian niya. Maraming babaeng lumalapit sa akin at ni i
