“M-Mayumi, asawa ko. Sa wakas nakita rin kita! Diyos ko, dito ka lang pala nagtatago. Napakaraming lugar ko ng pinuntahan para lang mahanap ka. Mabuti na lang napaamin ko ang mga kapatid mo.” garalgal ang boses na wika ni Miguel.
Nakatayo ito sa harap ng tindahan niya. hindi pa rin siya makapaniwala na nasa harap niya ngayon si Miguel. Impis ang pisngi nito, pero maaliwalas naman iyon habang nakatingin sa kanya.
“Paano kang nakarating dito? Atsaka sino ang nagbigay ng pahintulot na magtungo ka dito?!” matigas ang boses na tanong niya.
Kinakabahan siya ng husto, ang bilis din ng t***k ng puso niya at hindi maipaliwanag kung natatae ba o ano ang pakiramdam.
Ngayon lumuluha ang lalaki habang nakatingin sa kanya. Kung siguro hindi niya ito nakita sa video call noong nakaraang linggo a
