5 YEARS LATER.
“Ano ka ba naman Miguel, hanggang ngayon ba ay hindi ka pa rin maka-move on sa nangyari sa inyo ni Mayumi? Limang taon na ang nakararaan pero ganyan ka pa rin pati mga negosyo mo napabayaan mo na. Ang farm halos mga magulang na lang ni Mayumi ang nagpapatakbo. Pati ang mga trabaho mo online, nag-resign ka. Talaga bang sisirain mo ang buhay mo ha? Sa tingin mo ba matutuwa si Mayumi kapag nalaman na ganyan ka na ngayon? Dapat nga nagsisikap ka pa lalo, para maipakita mo sa kanya na kaya mo kahit wala siya." Nag-aalalang wika sa kanya ng kanyang Mommy.
"Hindi ko kaya Mommy, please t-tulungan nyo naman po akong hanapin sya. Miss na miss ko na ang asawa ko..." umiiyak na pakiusap niya sa ina.
"Tama na Miguel! Diyos ko naman, gumising ka na nga sa katotohanan na wala na tala
