“OO, Rick,” ngiting-ngiting pagputol at pagtango ko sa tanong niya bilang kumpirmasyon na totoo ang nasa isip niya. “Sinasagot na kita. Girlfriend mo na ako, simula sa espesyal na araw na ‘to ng buhay mo.”
Wala na siyang nasabi pa bagkus ay nayakap na lamang niya ako ng napakahigpit sa sobrang kaligayahang nadarama niya. “I’m so happy, Lena! Words couldn’t express how happy you made me on my birthday night! Maraming-maraming salamat, at tama ka, walang anumang mamahaling regalo ang makakapantay sa regalong tanging ikaw lang ang makakapagbigay sa akin. I love you, Lena!”
“And I love you too, Rick,” maligaya ko ring sagot habang yakap-yakap siya. Kahit ako din, walang mga salita ang makakapagpahayag sa ligayang nararamdaman ng puso ko ngayon, sa pagpapahayag ko din ng damdaman at pagmamaha
