Crossroads
AiTenshi
Part 24
Araw ng Sabado, gumawa lang ako ng paraan para makasama si Ram, sinabi ko lang na samahan niya akong mag grocery at bumili ng mga bagong gamit para kay Gillian. Kahit may ginagawa ito ay hindi naman niya ako tinanggihan basta para sa pamilya ko ay wala nang tanong-tanong pa dahil itinuturing din niya itong parang kanya. "Parang may nakalimutan ako." ang wika ko habang inilalagay ang mga pinamili namin sa likod ng sasakyan na nakapara sa parking area ng mall. Tumabi sa akin si Ram at ngumiti. "Ano naman iyon?" tanong niya.
Ngumisi ako at hinalikan siya sa labi. Sandali kaming nag torrid kiss, ilang segundo lang iyon pero nakakadala talaga. Natawa si Ram "sira, baka may maka kita sa atin dito." ang wika niya kaya luminga linga ako. "Wala namang tao e. Yun ang
