HINDI na alam ni Kristen ang gagawin kung paano mabawi ang kaniyang mga anak kay Cedric, dahil talagang tinago nito sa kaniya; nang puntahan niya sa school ay wala roon, hindi raw pumasok sabi ng teacher dahil pinaalam ni Cedric na hindi muna papasok; pinuntahan naman niya sa mansyon ni Cedric sa Malate na dati nitong pinagdalhan sa kanila, pero wala rin doon, naka-lock ang gate pagdating niya at mukhang walang katao-tao sa loob.
Stress na stress na siya, hindi na makapag-focus pa sa kaniyang trabaho sa ospital. Tinawagan niya ang kaniyang Tito Riley para humingi ng tulong, pero hindi pa rin ito makontak.
Tatlong araw nang wala ang kaniyang mga anak, at kahit ano'ng pakiusap niya kay Cedric ay ayaw nitong mapakiusapan, ayaw ibalik sa kaniya ang kambal. Ibabalik daw pero sa isang kondisyo
