NAKASUOT na si Kristen ng slip wedding dress habang lulan na ng sasakyan kasama si Cedric na nakasuot naman ng black tuxedo. Pareho sila walang imikan habang nasa biyahe, si Cedric ang nagmamaneho, pero kahit tahimik ito ay makikita ang aliwalas sa mukha na tila ba masayang-masaya.
Makalipas ang ilang minuto ay huminto na rin ang kanilang sasakyan sa harap ng simbahan. Agad na bumaba si Cedric at umikot sa kabila, pinagbuksan siya nito ng pinto at naglahad ng kamay sa kaniya. Tahimik na lang niyang tinanggap at lumabas na rin ng kotse.
Maaliwalas at tahimik ang paligid, walang katao-tao labas ng simbahan, hindi rin gaano mainit ang sikat ng araw dahil alas kuwatro na rin ng hapon.
“Let’s go.” Hinila na siya ni Cedric. Nagpahila na lang siya rito.
Nang marating nila ang nakasaradong pin
