MAKALIPAS ang isang isang linggo ay muli silang nagpakasal ni Cedric sa isang beach resort sa Batangas, at sa kanilang kasal ay naroon lahat ng kanilang pamilya, ang pamilya ni Cedric, gano'n din pati ang Tito Riley ni Kristen na hindi inaasahan ang pag-uwi kasama ang asawa nito at anak. Hindi niya inaasahan na may asawa na pala ang kaniyang Tito Riley, lalo na anak, talagang nagulat siya, pero masaya siya para rito dahil sa wakas ay hindi na ito tatandang binata.
Naiyak pa rin si Cedric sa araw ng kanilang kasal, naiyak sa labis na saya habang pinagmamasdan siya nitong marahan na naglalakad suot ang kaniyang wedding gown at hawak ang bride bouquet.
Saksi ang lahat sa kanilang muling pagpapakasal nila Cedric. Dumalo rin si Cadmus kasama ang kanilang kambal na anak. Pero si Callum ay hind
