MASAKIT man para kay Kristen ang mga nangyari sa kaniya, pero pinilit na lang niyang makalimot at pinagalitan ang sarili para matauhan na, dahil ilang gabi rin siyang iyak nang iyak mula nang magising sa ospital, katunayan ay halos hindi na niya maimulat pa ang mga mata niya sa loob ng tatlong araw dahil mugtong-mugto. Kaya naman si Cedric ay nagagalit na sa kaniya at pinagsabihan na siya na sinasayang niya lang ang luha niya sa isang walang kwentang lalaki.
Hanggang sa unti-unti na rin niyang napagtanto na tama nga ang sinabi ni Cedric, nagmumukha na siyang tanga dahil sa paglugmok sa sarili sa lungkot. Samantalang wala naman siyang nagawang mali para lokohin ng gano'n, kaya hindi siya dapat manghinayang at patayin ang sarili niya sa pighati, dapat magpasalamat na lang siya na nalaman ni
