Natahimik lang si Kristen sa buong biyahe at malalim lang napaisip na posibleng tama nga ang sinabi ni Cadmus. Baka nga kagagawan lang ni Callum ang promo kung totoo ngang ama nito ang may ari ng building. Siguro ay naawa ito sa kaniya nang marinig ang tawagan nila ni Thalia sa library noong araw na ’yon.
Sa isipin na gano'n nga, hindi mapigilan ni Kristen ang mainis at makaramdam na naman ng panliliit sa sarili.
Hindi na siya nakaimik pa, hanggang sa tuluyan nang pumasok ang kotse sa loob ng campus ng university at huminto na sa malawak na parking lot kung saan naroon na rin nakahilira ang mga luxury cars ng bawat estudyante.
Pagbaba ni Cadmus ay mabilis itong umikot sa kabila at pinagbuksan na siya ng pinto sabay lahad ng kamay sa kaniya. Agad naman niyang tinanggap ang kamay nito at
