KASALUKUYAN na silang kumakain ng dinner sa loob ng dining room. Nakaupo si Cedric at Cadmus sa iisang linya at nakapagitna sa kanila ang kambal, habang si Kristen naman ay mag-isa sa kabila, walang katabi sa upuan.
“Daddy, I want chicken nuggets, please? One lang po, Daddy,” malambing na utos ni Caroline sa kasalukuyang kinikilalang ama.
Napangiti naman si Cedric. “Alright, one chicken nuggets for my princess.” Nilagyan na nito ang plato ni Caroline ng isang chicken nuggets, pero pagkalagay pa lang ay agad ding nawala nang mabilis na tusukin ng tinidor ni Cadmus at diretsong sinubo sa bibig nito.
Parang nagulat naman si Caroline na namilog ang mga mata nang mapatingala sa ama dahil ginawa nito.
“Hehe! Papalitan na lang ni Manong Handsome, sweetheart,” pagngisi naman ni Cadmus sa anak
