NAGISING si Kristen kinaumagahan nang mag-isa na lang sa kama. Bumangon siya at saglit na naghilamos sa loob ng bathroom bago lumabas na ng kuwarto.
Pababa pa lang siya ng stairs ay naamoy na niya agad ang mabangong aroma ng pagkain na nagmumula sa kitchen.
Kaya naman pagbaba niya ay dumiretso siya agad sa kitchen, at doon niya nadatnan si Cedric na naka-topless lang habang kasalukuyang may niluluto sa kawali.
Sandaling pinagmasdan ni Kristen ang malapad na likod ng asawa; bawat galaw ng braso nito ay gumagalaw din ang mga muscles sa likod sa bandang paypay. Hindi niya tuloy mapigilan ang mapalunok nang hindi niya namamalayan, hanggang sa tumikhim na siya para kunin na ang atensyon nito.
“Good morning,” she greeted him.
Doon ay napalingon na si Cedric nang marinig na nito ang kaniyan
