DAHIL sa nangyari ay hindi na nakapasok pa si Kristen sa ospital. Mas pinili na lang niyang hindi pumasok, dahil gano'n din naman ang mangyayari, hindi rin siya makakapag-focus sa trabaho, dahil iisipin pa rin niya ang problema na kaniyang kinakaharap.
Hindi na niya alam kung ano na ang kaniyang dapat gawin para maitama ang lahat at huwag na magkagulo pa, dahil kung maaari ay ayaw niyang madamay pa at maapektuhan ang kaniyang mga anak, pero kahit ano pang pag-iisip niya ay alam niyang hindi pa rin niya maiiwasan na hindi maapektuhan ang kambal. Mabuti na lang ay madaling kausap si Cadmus at agad na pumayag sa desisyon niya na huwag muna sabihin sa mga bata ang katotohanan.
Hindi naman umaalis si Cadmus hanggang sa sumapit ang gabi, at ngayon ay kasabay nila na sa dinner kasama ang kambal
