WALANG nagawa si Kristen kundi sumama na lang pauwi kay Cedric. Tahimik silang umuwi sakay ng kotse nito. Nakatulog na ang kambal sa backseat katabi ng mayordoma dahil hatinggabi na rin.
“Ibang klase rin ang plano mo; magaling pero palpak. Dapat tinali mo ’ko bago ka umalis para hindi kita nahabol kahit nagising pa ako, nakatakas ka na sana. Pero hindi mo man lang ginamit ang utak mo,” Cedric mocked her.
Napapikit na lang si Kristen sa inis. “Manahimik ka na. Oo na, ikaw na ang panalo,” asar niyang sagot dito at inirapan pa ito bago binaling ang tingin sa bintana.
“Palalampasin ko ’to ngayon, pero sa susunod, asahan mong hindi na.”
“Oo na, ikaw na sabi ang panalo!”
Hindi na umimik pa si Cedric at napatikhim na lang ito, pinilit na lang pakalmahin ang sarili kaysa makipagtalo pa. Hangg
