“SAAN tayo pupunta?” Nakasunod lang si Jamin kay Abbigail.
“Basta!” Matamis nitong ngiti.
“Rose!” tawag niya nang bumitaw ito at tumakbong palayo.
Saglit itong tumigil at inalis ang suot na sandalyas, at basta na lang inihagis sa kung saan. Sumunod siya, tinanggal din ang suot na brown leather sandals at nakapaang sinundan uli ang asawa.
“Rose! Wait up!”
“Hurry up!” Tawa nito.
Hindi siya makahinga sa sobrang kasiyahan. Marinig pa lang ang masarap nitong pagtawa ay halos malunod na siya kaligayahan. Mabilis siyang tumakbo para maabutan ito. Lumiko ito sa naglalakihang mga bato sa gilid ng tubig. Dahil may kadiliman sa nilikuan nito, hindi niya ito makita. Nag-alala siya.
“Rose! Where are you? Abbigai
