NAPUNO ng tauhan ng hotel ang maluwang na bakuran ng malawak na resthouse. Abala ang bawat isa sa paghahanda para sa isang mahalagang okasyong gaganapin. Dalawang lalaki ang nagtulong para buhatin ang mga monoblock chair at binalutan ng mga puting tela na may mga disenyong bulaklak, gayundin ang mga bilugang mesa. Nakasuot ang mga lalaki ng sarong na disenyo mismo ng tindahan ni Abbigail.
Ganoon din ang ilang kababaehang nag-aayos sa mga bulaklak na nasa gilid ng mga nakahilerang upuan na siyang palamuti sa ginawang daanan para sa lalakaran ng mga may partsipasyon sa okasyon.
May arkong ginawa na pinalamutian din ng mga bulaklak, at puting telang hinihipan ng hangin na nakapuwesto sa harapan ng mga upuan. At sa gilid naman ng bakuran ay ang paghahanda ng mga pagk
