KAHIT nais komprontahin ni Levi, ang ginagawang pag uwi ng gabi ni Savannah. Hindi niya pa rin ginawa, hinayaan niya ito pero sikretong pinasundan sa tauhan niya.
“Master Jed, nasa Galviz Hall si Ms. Savannah. Kasama ang manager niya na si Madam Kelly. Ganun din ang makeup artist na si Ms. Ann.”
Kumuyom ang kamay ni Levi, sumira talaga sa kasunduan nila ang babaeng yon. “Anong ginagawa niya sa lugar na yon?”
“Naririto ang video clip, panoorin mo, Master Jed.” Inabot niya ang cellphone ng tauhan at pinanood ang video. Si Savannah, rumarampa sa gitna ng maraming tao suot ang maikling damit na halos kita na ang singit. Nag ngalit ang panga ni Levi, mabilis na sinara ang video.
Pagsapit ng gabi, hindi natutulog si Levi, hinihintay niya ang pag uwi ni Savannah. Subalit umabot ng midnight wa
