HABANG nasa loob ng Library ang ama at si Founder Elesio. Si Levi at Savannah, kasama ang anak nila sa loob ng nursery room. Nakahiga sa carpet habang ang bunsong si Baby Maverick Alexander ay nasa dibdib ni Levi.
Ang kambal ay naroon sa play room kasama ang anak ni Princess Nicah Angelic. Kasama rin ang ina ni Savannah.
Kanina pa pinag-iisipan ni Levi, may nais siyang tanungin kay Savannah.
“Kanina ka pa nakatitig sa akin, magsalita kung ano ang itatanong mo sa akin.”
“Ahm… tungkol sa kaibigan mo si Lady Beast.”
“Ano ang nais mong malaman?” hindi mawari ni Savannah, pero bigla siyang kinabahan.
“Scorpion, bakit meron tattoo na ganyan ang kaibigan mo?”
Napapikit si Savannah, heto na nga ang matagal na niyang pinangangambahan. Sinikap nilang itago kay Levi, o sa lahat ang tungkol
