MADILIM na sa labas nang magising si Aliya. Hindi na siya pinalabas ni Alejandro ng kuwarto at nagdala na lang ng pagkain. Hindi niya maamoy ang niluto nitong bulalo pero kahit papano ay nalasahan niya, matabang nga lang.
Panay ang kapa ni Alejandro sa kaniyang noo at hindi mapakali. “May sinat ka na naman,” anito.
“Mawawala rin ‘to mamaya,” aniya. Bumaba na siya ng kama.
Lumipat sila ni Alejandro sa round table at doon kumain. Pinatakan niya ng lemon ang sabaw ng bulalo dahil gusto niya ng may asim. Nilagyan din niya ito ng sili. Pinagpawisan tuloy siya.
“I will leave tomorrow after lunch, Aliya,” basag ni Alejandro sa katahimikan.
“Saan ka pupunta?” Wala pa ma’y kinakabahan na siya.
“May huhulihin kaming isa sa underboss ni Daddy na nakatakas. Isa rin siya sa wanted terrorist.”
N
