UMIGTING ang panga ni Alejandro sa gigil nang umugong sa pandinig niya ang huling sigaw ni Aliya. Mukhang hindi na talaga niya ito masasaway. Maling-mali talaga na kasama niya ulit ito. He’s already distracted. And now, he can’t even finish his paperwork.
Malutong siyang nagmura pagpasok sa kaniyang mini office. Nakabukas lang ang monitor ng computer at nabinbin ang paperwork niya. May tambak na papeles na pinadala ang sekretarya ng kompanya niya sa Russia. Ayaw na nga niya sa paperwork, may makulit pa siyang ampon na binubulabog ang focus niya sa isang bagay.
Kahit wala namang ginagawang masama sa kaniya si Aliya, ang presensiya nito mismo ang umaabala sa kanya, lalo na kung mag-ingay ito. Kahit wala naman itong kausap ay nagsasalita, kausap ang sarili. Ganoon na ito noon pa at nakasa
