MARIING nagkaila si Aliya na may alam siya sa grupo ng sindikato na nahuli ng mga pulis. Isa ang mga ‘yon sa pinamanmanan sa kaniya noon ni Mr. R. Ang isang lalaking nahuli ay nakitaan ng tattoo ng paniki sa likod. Ganoon ang tattoo ng taong sinundan din niya noon sa Mactan Cebu. Pero nahuli na ‘yon dahil na-trap ng tauhan ni Mr. R at napasok ang headquarters.
“Ah, wala. Pamilyar kasi ang tattoo ng lalaki. Akala ko ay tagaroon sa amin,” sagot niya sa tanong ni Alejandro.
Walang imik si Alejandro at seryoso sa pinapanood. Iniwan na niya ito at bumalik siya sa hapag. Pinahinaan na kasi nito ang telebisyon at wala nang gustong balita. Kakaiba rin ang taong ‘to. Kayang manood na hindi marinig ang nagsasalita sa telebisyon. Sa tuwing kumakain lang naman nito iyon ginagawa dahil ayaw ng mainga
