NANGINGINIG pa rin ang kalamnan ni Aliya dahil sa tensiyon ngunit minabuti niyang lumuha. Sinundan niya ng tingin si Alejandro na galit na umalis. Naglakad ito patungong dagat. Hindi niya mahagilap ang sagot sa tanong bakit ito galit na galit. Wala rin siyang ideya kung paano nito nalaman na kilala na niya si Romano.
Pero ilang minuto lang ang nakalipas, napansin niya ang mensahe ni Romano na sa inbox niya. Nabuksan na ito, samantalang first time niya nabasa ‘yon. Maghapon niyang hindi nahawakan ang cellphone dahil nasa training siya. Maaring nabasa ni Alejandro ang mensahe ni Romano. Pero kakaiba ang galit nito, tila ba hindi lang dahil kilala niya si Romano.
Hindi siya nakatiis ay hinabol si Alejandro sa dagat. Tumayo lang naman ito sa pampang at nakatanaw sa karagatan. Maliwanag doon
