"Garry?! Garry?!" Niyuyugyog ni Mang Niel ang mga balikat ni Garry. Ngunit wala na talagang buhay ang nakadilat pang si Garry.
Nahintakutan pa lalo si Mang Niel. Gusto niyang masuka dahil palipat-lipat ang tingin niya sa mukha ni Garry tapos ay sa nadurog nitong parte ng katawan kung saan naroon ang pagkalalalaki nito. Pati ang tiyan ni Garry kasi ay napisa dahil sa bigat ng nga batong humataw rito kanina.
Pagkatapos ay napatingin din si Mang Niel sa bato na kanina ay parang may mga buhay. Hindi talaga tinigilan ng mga bato si Garry hanggang sa mamatay ito. Pero bakit? Sino ang may gawa?
Nababalot ng matinding takot si Mang Niel na inilibot niya ang tingin sa paligid. Ngunit wala naman ng kakaiba. Tahimik na ang medyo papaliwanag nang paligid. Pero ginalugad pa rin ni Mang Niel ang lu
