"Hihihihi!" hagikgik ni Erlie na sumanib na naman sa katawan ng anak nitong si Ronalie.
Mas napaurong pa ang mga tao. Naiwan na sa harapan sina Aling Gina, Jeff, Baklang Benjie at Mang Niel.
"A-ano'ng nangyayari sa kanya?" sakbibi ng takot na tanong ni Aling Gina.
"Siya na si Erlie!" sagot ni Mang Niel.
Napatingin si Aling Gina kay Mang Niel. "Ano'ng sabi mo?!"
Pati na rin sina Jeff at Baklang Benjie.
"Ibig niyo pong sabihin si nanay niya ang sumasanib sa kanya? Kaya nangyari 'yon noon sa ospital?" tanong din ni Baklang Benjie.
Tumango si Mang Niel. "Ginagamit ni Erlie ang katawan ng kanyang anak para makapaghiganti sa mga gumahasa sa kanya noon."
"Kung gano'n 'yung mga namatay sila 'yung gumahas sa kapatid ko?!" Napaluha na si Aling Gina kasabay ng pagsuklob dito ng matind
