"Mga kabarangay! Alam na namin kung nasa'n ang babaeng killer!" Humahangos na bungad ng isang lalaki sa may pintuan.
Lahat ay napatingin sa lalaking iyon. Kasama na sina Jeff, Baklang Benjie, Aling Gina at Lola Agnes. Kinabahan ang mga ito ng sobra.
"Saan?! Nasaan ang babaeng 'yon?!" galit na galit na tanong ng asawa ni Mang Ernesto na si Aling Semang.
"Sa bahay ni Kagawad Niel! May nakakita sa kanila! Nandoon daw sila ngayon!"
"Sige tara ro'n! Bilisin niyo! At baka patayin din ng babaeng 'yon si kagawad!" sabi ng isang matabang lalaki.
Nagkukumahog na nagsilabasan ang mga tao sa bahay ni Lola Agnes. Iniwan na sila roon. Galit na galit ang mga ito.
"Diyos ko! Ang pamangkin ko!" naalarmang naibulalas ni Aling Gina nang wala na ang mga tao.
"Dali sumunod tayo sa kanila!" sabi n
