"Jeff, sundan mo na si Ronalie! Sige na!" mahinang-mahina na sabi ni Aling Gina kay Jeff. Magkakatabi sila na nakaupo sa mahabang sofa. Pinaupo sila roon ng mga taong bayan habang ginagalugad ng mga ito ang buong kabahayan at mga katabing bahay dahil baka raw itinago nila roon si Ronalie.
"Hindi ko po pwedeng gawin 'yon dahil nakabantay sila. Saka baka mas mapahamak siya kapag susundan natin dahil siguradong susunod ang mga iyan, tita," mahina ring sagot ni Jeff. Nag-uusap sila na hindi nagkakatinginan at hindi masyado bumubuka ang mga bibig.
Naluluha si Aling Gina na nagyuko ng ulo. Alalang-alala talaga siya sa pamangkin pero tama si Jeff kaya hindi na siya nagpilit pa. Sana lang ay ligtas si Ronalie, dahil hindi niya mapapatawad ang sarili kapag nagkataong mapahamak sa lugar na ito s
