Maaga siyang umuwi dahil kahit papano nag-aalala siya kay Annika. Baka kasi makalapit rito si Rico.
Pagpasok niya sa loob ng bahay kasambahay ang sumalubong sa kanya. Medyo nagtaka pa siya dahil nasanay siyang si Annika ang sumasalubong sa kanya sa pintuan.
"Manang si Annika?" Hindi na niya napigilang magtanong. Nilibot na kasi niya ang mga mata sa sala, pero si Annika roon.
"Nasa may hardin po si Ma'am Annika Sir," tugon ng kasambahay sa kanya.
Tumango naman siya at lumakad na para puntahan si Annika sa may hardin. Naibili na kasi niya ito ng cellphone kaya nais na niyang ibigay rito.
"Sir Garreth, ano po ang gusto niyo ihanda namin sa hapunan?" Tanong ng kasambahay.
Natigilan siya. Mukhang wala yatang inihanda si Annika para sa kanya ngayong gabi. Well, hindi niya ito masisisi, n
