Nagising ako na nasa loob ako ng isang kuwarto. Hindi ko alam kung nasa hospital ba ako o clinic. Hanggang sa pumasok sa kuwarto ko si Joshua na may band aids sa mukha. Niyakap niya ako nang mahigpit at umiyak ang aking kapatid sa balikat ko.
"Ate, akala ko talaga kanina mamatay na tayo. Takot na takot ate," umiiyak na sabi ni Joshua.
"Tumahan ka na, okay na tayo ay walang masamang nangyari. Nandito ba tayo sa hospital?" takang tanong ko rito na tumingin sa aking paligid.
"Oo, ate. Nandito tayo sa private hospital. Nasa ICU si Kuya Celso ate, mabilis siyang naisugod dito sa hospital nang mabaril siya ni Jewel. Nandito din ang pamilya ni Kuya Celso, ate. Sobra silang nag-aalala sa kalagayan niya, nandito rin sina Manang Miding at Manong Duarding, ate, sila ang umaasikaso sa mga pagkain n
