Kasama ko si Daniel na nagtungo sa lumang bodega ng mga yero at bakal na kinaroroonan ni Vincent. Nadatnan namin si Vincent na nakaharap sa dalawang lalaki na nakapiring. May pasa sa mukha ang mga ito at may benda sa kamay si Vincent.
Sinabi ko na kay Daniel ang tungkol sa nangyari sa amin ni Rux noong gabi na umuwi kami galing ng Manila. Ipinagtapat ko kay Daniel na muntik nang may mangyaring masama sa amin ni Rux. Sinabi ko rin na naroon si Ram para iligtas kami. Bukod doon ay wala na akong sinabing ibang detalye.
Nanginginig ang aking mga binti habang palapit sa kinaroroonan ni Vincent. Ngunit hindi ako pinayagan ni Daniel na lumapit. Sa halip ay pinasamahan niya ako kay Vincent sa lumang opisina. Naroon naman ang assistant ni Daniel na si Nestor na nakaharap sa computer at napapanuno
