Bumuga ako nang malalim bago umalis ng lugar kung saan umuupa ng apartment si Rayi. Maayos naman ang lugar, at wala akong nakikitang hindi maganda. Alam kong si Daniel ang kumuha ng apartment kung saan naroon si Rayi, at alam ko rin na dahil kina Penelope at Daniel kaya bumalik ng kompanya ko si Rayi.
Gusto kong mapag-isa, i-focus ang sarili ko sa pag-aalaga kay Rux. Ngunit sa tuwing makikita ko si Rayi hindi ko magawang umiwas. Hindi ko alam kung ano ang mayroon ang babaeng iyon para huminto sandali ang ikot ng mundo ko.
Ibinigay sa akin ni Manong Luis ang pouch ni Rayi dahil nakita niya itong nalaglag sa may lobby. At palabas naman ako noon ng building kaya ibinigay nito iyon sa akin. Sa keychain ko nalaman na kay Rayi ang pouch na iyon kaya imbes na ilagay ko sa private locker ng mga
