Nagkayayaan kaming magkakaibigan na pumunta sa bar pagkatapos ng aming trabaho. Naisip ko rin na makakatulong ang pag-iinom ko ng alak para makalimutan ko ang nararamdaman ko kay Ram. Kung papansinin ko si Leo, maibabaling ko rito ang nararamdaman ko.
Mabait naman si Leo, at tatlong taon lang ang agwat namin sa isa't isa. Bente dos anyos na ako at sa susunod na buwan magdiriwang ako ng aking kaarawan.
"Sure ka ba talaga na p'wede tayong pumunta rito sa bar? May pasok pa tayo bukas," nag-aalalang sabi ni Danica.
"Oo nga naman, Rayi. Baka mapagalitan tayo nito," segunda naman ni Monica na kanina pa nakatingin sa cellphone nito.
"Ano ba! Napaka-KJ ninyo!" singhal ko sa dalawa kung kailan na malapit na kami sa bar na pupuntahan namin.
Nineteen years old lang pataas ang pinapasok sa loob n
