Alas kuwarto ng hapon nang matapos ang event na pinuntahan namin ng banda ko. May pang gabi pang show pero tinanggihan na ng aming manager dahil namamaos na din ako sa pagkanta.
Bitbit ko ang aking bag nang lumabas ako sa munisipyo ng Nueva Ecija. Sa labas ay nakita ko si Leo na nakaabang habang nakasandal ito sa motorsiklo nito ay may hawak na dalawang helmet.
"Ihatid na kita," pang-aalok nito sa akin.
Tumingin ako sa cellphone ko at walang text message sa akin si Ram. Mukhang bukas na nga ito pupunta ulit.
"S-Sige." Nagpaalam ako sa aking mga kaibigan.
Umangkas ako sa motorsiklo ni Leo at sininuot ko ang isang helmet nito.
"P'wede bang mag-usap muna tayo bago mo ako ihatid?" pakiusap ko kay Leo. Handa na akong sabihin dito ang nararamdaman ko para kay Ram. Ayokong umasa si Leo na m
