Abala ko sa paghahanda ng breakfast namin dahil papasok ngayon si Rux sa school. Ngayong araw na ito ipagdiriwang ang Family Day kung saan kailangan kong pumunta sa school. Nakausap ko na si Daniel tungkol dito at pumayag naman ito sa gusto ko.
Anim na buwan na ngayon si Dandan, ang anak namin ni Daniel. Bibo at napakakulit na bata. Hands on ako sa mga anak ko, wala kaming katulong ni Daniel. Nagdesisyon ako na tapusin ang pag-aaral ni Rux dito sa Nueva Ecija bago kami tuluyang manirahan sa Tarlac.
Kailangan ko na lang i-balance ang pagiging ina ko at isang negosyante. Ayoko rin naman na napapabayaan ang mga business ko dahil para iyon sa future ng mga anak namin ni Daniel kahit na sabihin pa na mayaman na si Daniel. Gusto ko na may sarili akong income gamit ang perang pinanghihirapan ko
