Pinapanuod ko si Daniel na mahimbing na natutulog sa tabi ko. Itinukod ko ang aking siko sa kama at ipinatong sa aking kamay ang aking ulo. Tumagilid ako at saka hinaplos nang marahan ang pisngi nito patungo sa ilong.
Tumingin ako sa orasan na nakasabit sa may wall. Alas dose na ng hating gabi, bumangon ako sa kama at maingat na gumalaw. Hindi ako dalawin ng antok.
Habang tulog si Daniel ay naisip kong pumunta sa kaniyang opisina. Ngunit matagal akong nakatitig sa may pinto at iniisip ko kung buksan ko ba iyon o hindi.
Bumuga ako nang malalim at hinawakan ang seradura ng pinto. Maingat ko iyong binuksan at saka ko isinindi ang ilaw. Hindi ko alam kung ano ang ginagawa ko rito sa opisina ni Daniel pero may gusto akong makita.
Umagaw ng aking atensiyon ang isang file na nakapatong sa lam
