Matapos akong ihatid ni Daniel sa bahay ko ay umalis na rin ito kasama ni Vincent. May importante raw na pupuntahan ang dalawa. At babalik si Vincent bukas ng umaga para muling magbantay.
Nasa loob ako ng aking bahay at inilagay ko sa refrigerator ang hawak kong suman. Umupo ako sa sofa pagkatapos at sumandal doon. Masaya ako na nakasama ko ngayon si Daniel, kahit na hindi ko nagawang sabihin dito ang totoo.
Kung talagang kami ni Daniel... sa dulo... maghihintay ako. Marami pang panahon at pagkakataon na piliin kong maging masaya. Sa ngayon, kuntento na ako... unfair man ito sa baby na nasa loob ng tiyan ko at kay Daniel.
Ilang minuto ang nagdaan at tumunog ang doorbell. Mabilis akong tumayo para pagbuksan ang gate sa pag-aakala kong sina Ram na iyon.
Nakita ko ang isang lalaki na naka
