Humarap sa akin si Amanda, ngumiti ito sa akin at niyakap ako. Naluha ang aking mga mata, hindi ko alam kung tama ba ang binabalak ni Daniel. Paano kung mapahamak si Amanda? Paano kung may masamang mangyari dito dahil sa galit ni Jewel?
Pinahid ko ang aking luha sa mga mata at tumingin kay Amanda nang magkalayo kaming dalawa.
"Huwag kang umiyak, girl. Naipaliwanag sa akin ni Daniel ang gagawin ko. Walang mangyayaring masama sa akin o sa kahit sino," ani Amanda na hinawakan ang aking kamay.
Umupo kami sa may sofa at tumingin naman ako kay Daniel. "Paano kung set up ang lahat? Paano kung bigla kang paputukan ng baril?"
"Openg, hindi iyon gagawin ni Jewel hangga't hindi ko iuurong ang lahat ng mga kasong isinampa ko sa kaniya. Magtiwala sa akin, Openg."
Muli akong bumaling kay Amanda na
