Maaga akong nagising kinabukasan. Maganda ang araw ko kaya naisipan ko na mag-excercise sa may garden. Habang nagi-stretching ako nasa may garden din si Manang Miding at nagdidilig ito ng mga halaman na namumulaklak. Kausap naman nito si Celso na parehong nakatingin sa akin.
Pumikit ako at bumuga nang malalim. Pinag-uusapan siguro ng mga ito ang paghatid sa akin ni Daniel kagabi. Hindi ko alam kung bakit kilig na kilig sila sa amin ni Daniel e wala naman kaming relasyon.
Hindi ko nga gusto na madamay si Daniel sa magulong buhay ko. Malaki na ang naitulong nito sa buhay namin ni Joshua. Sa ngayon ay inaayos ni Daniel ang hearing sa kaso ni Erika. Naisip ko na bago ako pumasok mamaya sa office ay lutuan ko si Daniel ng pininyahang manok. Iyon ang special na putahe na alam ko at tiyak na ma
