"DADDY, who is she?" untag sa akin ng anak ko dahil napako na ang atensiyon ko sa mga ito.
"Ahmmm... nothing, anak." Tumayo ako mula sa aking inuupuan at saka hinawakan ang kamay nito. "Tara na? Saan mo pa gustong pumunta?"
"To the grocery?"
Natawa ako sa sinabi ni Rux. "No. Hindi ako katulad ng mommy mo, anak. Hindi tayo mag-gro-grocery. Let's buy new clothes and shoes." Kinindatan ko ito.
"Jeez." Bumungisingis ito at hinila na ang kamay ko patungo sa paborito naming brands ng mga damit at sapatos. Mahilig ako sa mga branded na gamit simula pa noon.
Nagtungo kami sa escalator patungo sa third floor ng mall at nakasunod sa amin sina Leo at Rayi.
"Sir," tawag sa akin ni Leo habang naglalakad na kami sa third floor.
Paghakbang naman si Rayi mula sa escalator at nanlaki ang mga mata n
