Lunes ng umaga, ito ang araw ng check up ko sa aking private doctor. Napagdesisyunan ko na bumalik na lamang ulit ng Nueva Ecija para ipagpatuloy ang aking nasimulan dito. Kasama ng anak at kapatid ko. Graduating na si Joshua ngayong taon kaya naman naisip ko ilipat na lamang siya ng University. Ganoon din naman si Nathan na sumama sa amin dito sa Nueva Ecija.
Pagkatapos ng check up ko ay pupuntahan ko sa school si Rux para sunduin sa school. Matapos magpaalam sa akin ni Ram ay hindi na ito tumawag sa akin. May isang linggo na rin ang nakakaraan, naiisip ko na baka binibigyan ako ni Ram ng panahon para makapag-isip. Ngunit buo na ang desisyon ko, hindi ko na siya babalikan... hindi na kahit kailan.
Marami akong natutunan sa mga naging desisyon ko sa buhay, sa kabila ng mga pinagdaanan ko
