RAM
"P'wede ba tayong mag-usap bago ako umalis?" malungkot kong pakiusap kay Penelope na nakatayo sa aking harapan. Binalingan ko sina Salve, Joshua at pati na rin si Nathan na nasa may sala ng bahay nito. "Kung p'wede... yayain kitang mag-merienda sa labas?"
Mayamaya ay tumango si Penelope. Nagpaalam muna kami sa aming anak dahil hindi namin siya maaaring isama.
Inalalayan ko si Penelope na makasakay sa van na dala ko. Napansin ni Penelope ang dalawang maleta na laman niyon sa loob.
Hindi muna ito umimik at nang makasakay ako sa loob ng van ay nagsimula na itong magtanong.
Ang private driver ko na si Rodel ang nagmamaneho ng van at ihahatid niya ako sa airport pagkatapos naming mag-usap ni Penelope.
"Aalis ka ba ng bansa? Babalik ka ng America? Doon ka na ba titira?" sunod-sunod na
