Liningon ko si Ram na nakapikit at si Rux naman sa aming gitna ay mahimbing nang natutulog. Nilingon din ako ni Ram na ang mga mata ay namamasa at nangilid ito ng luha.
"Hindi sana tayo ganito kung naniwala ako sa mga sinabi mo noon, Openg. Kung hindi lang sana ako nakinig kay Kuya Dante at kay Mama baka hanggang ngayon magkasama pa rin tayong dalawa. Sana noon pa lang... naging malinaw na sa akin ang lahat. Nalulungkot ako na nauwi sa ganito ang pinangarap nating masayang pamilya."
Bumangon ako sa kama ni Rux at pinahid ang luha sa aking mga mata. Binuksan ko ang pinto at lumapit naman ito sa akin.
"Hindi mo na ba talaga ako mapapatawad?"
Tumingin ako kay Ram at matapang na tumango. "Hindi na kita mahal... at kung may nararamdaman man ako... galit iyon at pagkamuhi sa iyo. Kung talaga
