Hindi na ako umalis sa bahay at pinili ko na lamang na alagaan si Rux. Nakiusap ako kay Amanda at nangako na babawi na lamang ako sa ibang araw. Sa ngayon gusto kong pasiyahin ang anak ko upang mapunan ko ang pangungulila nito kay Ram.
Nang matapos kong makausap si Amanda ay naisip ko na dalhin si Rux sa park kinahapunan. Dinala ko ang mga laruan niya, kasama ko sina Salve at Joshua. Si Manong Duarding ang driver namin at sa van kami sumakay.
"Mommy, first time ko lang po na maglalaro sa park. Palagi po kasi akong nasa bahay lang with daddy. Ano po ba ang mga laruan sa park na wala sa house?" tanong ni Rux sa akin.
"Marami... like sa park may mga monuments, naroon ang monument ni Dr. Jose Rizal. May mga old equipments din na ginagamit ng mga magsasaka noon na naka-display sa bawat sulok
