Ang sumunod na mga araw ay ginugol nina Luis sa pag-iikot kay Jaime sa dalawang rancho. Dahil sa kapwa sila ni Bettina na lumaki sa dalawang lupain ay bukas para sa kanila ang mga ito.
Ipinasyal nila si Jaime. Nadala na rin nila ito sa may niyugan at maging sa manggahan ng mga Olvidares. Maging sa may koral ng mga hayop ay narating na rin nila.
Damang-dama din ni Luis ang kasabikan ng kanyang anak sa bawat puntahan nila. Dahil sa ito ang unang beses na nakarating doon si Jaime ay labis nitong ikinatuwa ang lahat ng mga nakita nito. Lahat ay malayong-malayo sa lugar na kinalakihan ng bata sa Maynila.
Isang umaga ay kasama niya si Jaime at Bettina habang nagmamasid sa mga hayop na nanginginain sa may damuhan. Nasa may Rancho Estrella sila nang mga oras na iyon. Sa paglipas ng maraming tao
