"Babalik na kayo ng Manila?" gulat na tanong kay Bettina ng kanyang Tatay Reynaldo nang sumunod na araw.
Kagabi nga nang matanggap niya ang tawag ni Lottie at sabihin sa kanya ang tungkol sa kalagayan ng kanyang Papa Emmanuel ay halos hindi na mapanatag si Bettina. Kung maaari lang na kagabi pa sila bumiyahe pabalik sa Manila ay ginawa niya na.
Ngunit hindi sumang-ayon si Luis na umalis sila ng dis-oras ng gabi. Nais ng binata na hintayin nila ang mag-umaga bago bumalik ng Kamaynilaan. Maliban sa gabi na ay iniisip din ni Luis si Jaime. Tulog na ito nang makatanggap siya ng tawag at hindi na nais pa ni Luis na istorbohin ang pagtulog ng kanilang anak.
Bago nga umalis ng San Sebastian ay nagtungo muna si Bettina sa bahay ng kanyang mga magulang. Kailangan niya rin magpaalam sa kanyang Ta
