Agad na pinunasan ni Bettina ang mga luhang nanulay sa kanyang mga pisngi nang bigla ay bumukas ang pinto ng kanyang opisina. Doon ay pumasok si Luis na tangan-tangan pa rin ang cell phone na pag-aari nito. Marahil ay tapos na rin nitong kausapin sina Andy at Ronniel.
She used her palms to dry the tears on her face. Bumalik din siya sa pagkakaupo sa kanyang swivel chair at disimuladong hinamig ang kanyang sarili. Si Luis naman ay naglakad palapit sa kanya habang nakarehistro pa rin ang pagkabahala sa mukha, lalo na nang makita nito ang kanyang pag-iyak.
Katatapos lang din ng pakikipag-usap niya kay James. Ang lahat ng mga sinabi nito ay nagdulot ng labis na pag-aalala sa kanyang dibdib. Inilahad nga nito ang kagustuhan na magkita nang silang dalawa lang--- walang kasamang pulis at lalong
