Agad na naibaba ni Luis ang hawak niyang mga papel sa ibabaw ng kanyang mesa. Kanina ay kausap niya ang isa niyang kasamahan at ipinapaliwanag niya dito ang ilang detalye ng kanilang trabaho.
Dahil nga sa nag-file ng leave ng isa sa kanila ay napilitan na siyang pumasok. Iyon ay sa kabila ng nagkapatong-patong na alalahanin niya para sa kanyang mag-ina. Labis siyang nag-aalala para sa mga ito hanggang sa puntong kahit sa kanyang trabaho ay sina Bettina at Jaime pa rin ang laman ng kanyang isipan.
Kasama niya kanina si Bettina na maghatid pauwi kay Mr. Villamor sa bahay ng mga ito. Si Bettina ay kinailangan nang pumasok sa Villamor Italian Cuisine nang araw din na iyon. He suggested for her to be escorted by the protection agent that he got from Ronniel's company.
Ngunit tumanggi na ang
