"So, it was really confirmed? Si Martin Vibar nga ang may pakana ng nangyaring pamamaril sa ama ni Bettina?" gimbal na tanong ni Luis kina Ronniel at Andy.
Sa isa pang pagkakataon ay nakipagkita siya sa mga ito matapos niyang makatanggap ng tawag mula kay Andy na may development na raw 'di umano ang kaso ng ama ng kanyang kasintahan. Dahil sa sobrang antisipasyon na malaman ang buong detalye ay nagpasya siyang makausap ito agad pagkatapos ng pag-uusap nila sa cell phone.
Iminungkahi pa ni Andy na sa opisina muli ni Ronniel Certeza sila magtagpo. Iyon ay dahil na rin sa katulong nila ang dating pulis sa pagresolba ng kasong iyon. Kahit wala na sa serbisyo si Ronniel ay tumutulong pa rin ito sa ganoong mga sitwasyon sa pamamagitan ng security agency na pag-aari nito.
Nang dumating siya sa
