"M-May masakit pa ba sa iyo, Bettina? Bakit naluluha ka?" maang na tanong ni Reynaldo sa kanya nang mapansin nito na hilam na sa mga luha ang kanyang mga mata.
She can't help it. Iba pala ang pakiramdam kapag narinig niya mismo mula sa mga labi nito ang ganoong salita. . . na ganoon ang tawag nito sa kanya. Kung bakit nito nasambit ang katagang iyon ay hindi niya alam. Maaaring lumabas lamang iyon mula sa bibig nito at walang ibang kahulugan. O maaari din kaya na dahil sa iyon ang turing nito sa kanya?
Mas gusto niyang paniwalaan ang ikalawang rason na naiisip niya. But how could she? Hindi ba at simula pa lang noon ay hindi naman niya naramdaman na anak nga ang turing nito sa kanya? He was so cold and distant to her. Lumaki siyang kasama ito ngunit napakalayo naman ng loob nito sa kanya
